વ્રજમાં શ્રીગિરિરાજથી બે માઈલ દૂર શ્રીનાથજીની આ બેઠક આવેલી છે. આ સ્થળે શ્રીનાથજીએ ગ્વાલબાલ અને વ્રજભક્તોની સાથે છાકલીલા, આંખમિચૌની લીલા, ગોચારણ લીલા વગેરે અનેક લીલા કરી છે.

શ્રીગિરિરાજજીની તળેટીમાં આવેલા આ કુંડ પર શ્રીનાથજીએ વ્રજ ભક્તોની સાથે હોળી ખેલ કર્યો છે.

આ સ્થળ વ્રજમાં ગુલાલકુંડની પાસે છે. ચતુરાનન [ચતુરા નાગા] ને દર્શન આપવા માટે શ્રીનાથજી અહીં પધાર્યા હતાં. અને કંટોલાનું શાક અને શીરો અંગિકાર કર્યો હતો. આ સ્થળનો જીર્ણોદ્વાર થયેલો છે. શ્રીસ્વામિનીજીનો મનોરથ પૂરો કરવા માટે શ્રીજી ટોડનો ઘનો પધાર્યા હતાં.

વ્રજ પરિક્રમાના માર્ગમાં જાવ ગામથી કોટવન જતાં આ સ્થળ આવે છે. જયાં કદમ વૃક્ષની નીચે શ્રીનાથજીની બેઠકો છે. અહીં રાસકુંડ, રાસચોતરો, લક્ષ્મણઝૂલા વગેરે છે.